‘अनेसास’द्वारा सत्यमोहन जोशी पुरस्कार स्थापना
अन्तर्राष्ट्रिय नेपाली साहित्य समाज (अनेसास) ले संस्कृतिविद् सत्यमोहन जोशीको नाममा अन्तर्राष्ट्रिय पुरस्कार स्थापना गरेको छ ।
संस्थाका अध्यक्ष प्रकाश पौडेल ‘माइला’को प्रायोजनमा संस्थाले ‘अनेसास शताब्दी पुरुष सत्यमोहन जोशी पुरस्कार’ स्थापना गरेको हो । पुरस्कार नेपालबाहिर तीन वर्षभन्दा बढी बसेर नेपाली भाषासाहित्यका अतिरिक्त कला र संस्कृतिका विभिन्न क्षेत्रमा काम गरी विशिष्ट योगदान गरेका व्यक्ति वा संस्थालाई प्रदान गरिनेछ ।
पुरस्कारको राशी १ हजार १ अमेरिकी डलर रहेको ‘अन्तर्राष्ट्रिय नेपाली साहित्य समाज बोर्ड अफ ट्रस्टी’ले प्रेस विज्ञप्तिमा उल्लेख गरेकाे छ ।
