अन्तराष्ट्रिय नेपाली साहित्य समाज इजरायलद्वारा शुभ दिपावली २०६६ को पावन अवसरमा एक आपसमा शुभकामना आदानप्रदान का साथै लक्ष्मीप्रसाद देवकोटाको सतबार्षिकीको उपलक्ष्यमा साहित्यिक कार्यक्रम निम्न मिति, समय र स्थानमा आयोजना गरिएको छ । 

मितिः सन १७ अक्टोबर २००९

समयः दिनको  ठीक १.३० बजे

स्थानः  हार्चियोन ३५, तेल अभिभ, इजरायल 

उक्त कार्यक्रममा  इजरायलमा रहनुभएका विभिन्न  पेशामा सम्मिलित साहित्यक व्यक्तिहरू र अनेसास इजरायलका पदाधिकारीहरूद्वारा विभिन्न  विद्याका देवकोटा प्रति समर्पित तथा अन्य रचनाहरू वाचन गर्ने कार्यक्रम रहेको छ । साथै अनेसास इजरायलद्वारा पहिलो पटक प्रकाशन हुन गईरहेको "मेरो नेपाल" नामक द्वैमासिक पत्रिकाको विमोचन समेत गरिने जानकारी गराइन्छ । उक्त कार्यक्रममा  इजरायलमा रहनुभएका साहित्यकर्मीहरूलाई रचनाहरू पठाई प्रत्यक्ष उपस्थित हुन समेत अनुरोध गरिएको छ भने इजरायल बाहिर विश्वभर छरिएर रहनुभएका साहित्यकर्मी साथीहरूलाई निम्न ईमेलमा आफ्ना रचनाहरू पठाउनुहुन समेत अनुरोध गरिएको छ । 

हरि मानन्धर "विवश"

सचिव, अनेसास इजरायल

ईमेलः hari_mdr@yahoo.com

फोन नं. ०५४३१८५९८०