Member Login

Not a member? Please Apply for Membership

INLS News

केन्द्रीय कार्यसमितिको बैठकको निर्णय

अन्तर्राष्ट्रिय नेपाली साहित्य समाज, केन्द्रीय कार्यसमितिको बैठक सेप्टेम्बर १९, २०१८ (बुधबार) का दिन केन्द्रीय कार्यसमितिका अध्यक्ष पदम विश्वकर्माको अध्यक्षतामा बस्यो । बैठकमा भएको उपस्थिति, छलफल र निर्णय यसप्रकार छन् :

उपस्थिति :

  • पदम विश्वकर्मा, अध्यक्ष
  • राधेश्याम लेकाली बरिष्ठ उपाध्यक्ष
  • प्रकाश पौडेल “माइला”, उपाध्यक्ष
  • प्रकाश नेपाल, उपाध्यक्ष
  • भीमसेन सापकोटा, उपाध्यक्ष
  • गोवर्धन पूजा, महासचिव
  • सन्ध्या पहाडी, सदस्य
  • विकास बिष्ट, सदस्य
  • महेश्वर पन्त, सदस्य

अनुपस्थितिको जानकारी :

  • गणेश घिमिरे, सचिव
  • शान्तिराम ढकाल, कोषाध्यक्ष

छलफलका बिषयहरु :

  1. निर्वाचन आयोग, मतदातालाई धन्यवाद ज्ञापन गर्ने
  2. नवनिर्वाचित पदाधिकारीहरुलाई बधाई तथा शुभकामना ज्ञापन गर्ने
  3. महासचिव तथा कोषाध्यक्षको प्रतिबेदनमाथि छलफल र पारित गर्ने
  4. सल्लाहकारहरु, पूर्व अध्यक्षहरु, बोर्ड अफ ट्रष्टी, समितिहरु, पुरस्कारदाताहरु, कार्यक्रम आयोजकहरु च्याप्टरहरुलाई धन्यवाद ज्ञापन गर्ने
  5. यस अबधिमा सहयोग गर्ने मेडिया, निकाय, व्यक्ति आदिलाई प्रशंसापत्र प्रदान गर्ने
  6. विविध

 

निर्णय तथा जानकारी :

  1. केन्द्रीय कार्यसमितिको बैठकलाई सम्बोधन गर्दै अध्यक्ष पदम विश्वकर्माले अनेसासलाई बिशेषरुपमा सहयोग गर्ने केन्द्रीय कार्यसमितिका पदाधिकारीहरु, सल्लाहकारहरु, पूर्व अध्यक्षहरु, बोर्ड अफ ट्रष्टी, समितिहरु, पुरस्कारदाताहरु, कार्यक्रम आयोजकहरु, च्याप्टरहरुको योगदानलाई प्रशंसा गर्दै धन्यवाद ज्ञापन गर्नुभयो ।
  2. केन्द्रीय कार्यसमिति (२०१८-२०२०) को निर्वाचन निष्पक्ष र सफलरुपमा सम्पन्न गरेकोमा निर्वाचन आयोग र मतदाताहरु अध्याबधि गर्ने कार्य पूर्णरुपमा सफल गर्ने मतदाता अध्याबधि समितिलाई धन्यवाद ज्ञापन गर्ने निर्णय भयो । यसका साथै निर्वाचनमा सक्रियरुपमा सहभागी भइ मतदान गर्नुहुने सबै मतदाताहरुलाई पनि धन्यवाद ज्ञापन गर्ने निर्णय भयो ।
  3. केन्द्रीय कार्यसमिति (२०१८-२०२०) को निर्वाचनमा नवनिर्वाचित पदाधिकारीहरुलाई हार्दिक बधाई ज्ञापन गर्दै सफलकार्यकालको लागि शुभकामना ज्ञापन गर्ने निर्णय भयो ।
  4. केन्द्रीय कार्यसमितिको २०१६-२०१८ को अबधिमा सम्पन्न गतिविधिहरुको प्रगति प्रतिवेदन र आर्थिक प्रतिवेदन संस्थाका महासचिव तथा कोषाध्यक्षबाट बैठकमा प्रस्तुत भयो । उक्त प्रतिवेदनहरु छलफल पश्चात पारित गर्ने निर्णय भयो ।
  5. अन्तर्राष्ट्रिय नेपाली साहित्य समाजलाई यस अबधिमा विभिन्न रुपमा सहयोग गर्ने सल्लाहकारहरु, पूर्व अध्यक्षहरु, बोर्ड अफ ट्रष्टी, समितिहरु, पुरस्कारदाताहरु, कार्यक्रम आयोजकहरु, च्याप्टरहरुलाई धन्यवाद ज्ञापन गर्ने निर्णय भयो ।
  6. बैठकले यस अबधिमा सहयोग गर्ने मेडिया, निकाय, व्यक्ति आदिलाई सेप्टेम्बर ३०, २०१८ का दिन टेक्सासमा आयोजना हुने बार्षिक साधारण सभा र सपथ ग्रहण कार्यक्रमका अबसरमा प्रशंसापत्र प्रदान गर्ने निर्णय भयो ।

INLS GA Mahananda Poerty Program

आजीवन सदस्यतासम्बन्धी सूचना

अन्तर्राष्ट्रिय नेपाली साहित्य समाज, केन्द्रीय कार्यसमिति (२०१८-२०२०) को निर्वाचन प्रयोजनका आजीवन सदस्यहरुको अन्तिम नामावली यही मे ३०, २०१८ मा निर्वाचन समितिलाई उपलब्ध गराउनु पर्ने निर्वाचन समितिबाट प्राप्त जानकारी प्राप्त भएकोले आजीवन बन्न चाहनु हुने महानुभावहरुले र आजीवन सदस्य बनाएर त्यसको जानकारी केन्द्रमा पठाउन बाँकी रहेका च्याप्टरहरुले आजीवन सदस्यहरुको नाम, ठेगाना, इमेल र फोन नम्बर तथा आजीवन सदस्यताको रकम यही मे २९, २०१८ सम्म निम्नलिखित इमेलमा प्राप्त हुने गरि पठाउन अनुरोध गर्दछौं । सदस्यताको रकम संस्थाको वेबसाइटमा रहेको पेपाल वा बैंक खातामा जम्मा गरी वा केन्द्रीय कार्यसमितिका पदाधिकारीहरु मार्फत पठाउन पनि अनुरोध गर्दछौं । मे २९, २०१८ पश्चात् विवरण प्राप्त हुने आजीवन सदस्यहरुले यही जुलाईमा हुने केन्द्रीय कार्यसमिति (२०१८-२०२०)को निर्वाचनमा मतदान गर्न नपाउने जानकारी गराउन चाहन्छौं ।

सधन्यवाद,

गोबर्धन पूजा
महासचिव,
अन्तर्राष्ट्रिय नेपाली साहित्य समाज
केन्द्रीय कार्यसमिति

केन्द्रीय कार्यसमिति (२०१८-२०२०) को निर्वाचनका लागि निर्वाचन समिति गठन

अन्तर्राष्ट्रिय नेपाली साहित्य समाज, केन्द्रीय कार्यसमिति (२०१८-२०२०) को निर्वाचनका लागि प्रमुख निर्वाचन आयुक्त भिम कार्की, निर्वाचन आयुक्तहरु द्वय डा. चुडामणि खनाल र प्रविण भण्डारी रहनु भएको निर्वाचन समिति गठन गरिएको छ । अप्रिल १५, २०१८ मा सम्पन्न केन्द्रीय कार्यसमितिको बैठकले सो निर्णय गरेको हो । यसै गरी निर्वाचनलाई निष्पक्ष, धाँदलीरहित र पारदर्शी बनाउन आवश्यक सुझाव तथा सल्लाह प्रदान गर्न पूर्व निर्वाचन प्रमुखहरु बिमल नेपाल र तीर्थराज पाण्डे रहनु भएको सल्लाहकार समिति पनि गठन गरिएको छ ।

अन्तर्राष्ट्रिय नेपाली साहित्य समाजको वर्तमान बिधानअनुरुप केन्द्रीय कार्यसमितिको निर्वाचन निष्पक्ष, धाँदलीरहित र पारदर्शीरुपमा तोकिएको समयमै सम्पन्न गर्न र मतदाताहरुको नामावली अध्यावधिक गर्न निर्वाचन समितिले निर्वाचन कार्यक्रम छिट्टै प्रकाशन गर्ने छ । निर्वाचन समितिलाई तोकिएको समयमै निर्वाचन सम्पन्न गर्न गराउने र मतदाता नामावली अध्यावधिक गर्ने कार्यमा पूर्ण सहयोग गर्न अनेसासका सबै च्याप्टरहरु, आजीवन तथा ट्रष्टी सदस्यहरुलाई हार्दिक अनुरोध गर्दछौं ।

निर्वाचन प्रक्रिया, मतदाता नामावली अध्याबधिक गर्ने आदि सम्बन्धमा कुनै प्रश्न भएमा प्रमुख निर्वाचन आयुक्त र निर्वाचन आयुक्तहरुलाई निम्नलिखित इमेलमा सम्पर्क गर्नुहुन पनि हार्दिक अनुरोध गर्दछौं ।

श्री भीम कार्की, प्रमुख निर्वाचन आयुक्त : bhim.karki@karkicpa.com
डा. चुडामणि खनाल, निर्वाचन आयुक्त : ckhanal@gmail.com
श्री प्रबिण भण्डारी, निर्वाचन आयुक्त : bhandarip6@gmail.com

सधन्यवाद,

गोबर्धन पूजा
महासचिव,
अन्तर्राष्ट्रिय नेपाली साहित्य समाज
केन्द्रीय कार्यसमिति

अनेसासको तीन दिने दोस्रो च्यापटर सम्मेलन भव्यताका साथ सम्पन्न

Visit DC Nepal for detail news

अनेसास सर्बोत्कृष्ट च्याप्टर घोषणा

अन्तर्राष्ट्रिय नेपाली साहित्य समाजले २०१६-२०१७ को अवधिमा सर्बोत्कृष्ट च्याप्टर घोषणा गरेको छ । २०१६-२०१७ को अवधिमा विविध कार्यहरु सम्पादन गर्ने अन्तर्राष्ट्रिय नेपाली साहित्य समाज पर्थ च्याप्टर, पश्चिम अष्ट्रेलिया सर्बोत्कृष्ट च्याप्टर घोषणा गरिएको छ । यस अवधिमा सम्पन्न विभिन्न गतिविधिहरुसहितको १०० अंकको च्याप्टर छनोटका आधारमा पर्थ च्याप्टरले सबैभन्दा बढी अंक प्राप्त गरि सर्बोत्कृष्ट च्याप्टर घोषणा गरिएको हो । सर्बोत्कृष्ट च्याप्टरलाई ५०० अमेरिकी डलर सहितको अनेसास राम लामा सर्बोत्कृष्ट च्याप्टर पुरस्कार प्रदान गरिन्छ ।

साहित्यकार तथा अनेसासका सल्लाहकार गंगाराम लामिटारेको संयोजकत्वमा अनेसासका पूर्व अध्यक्षहरु बसन्त श्रेष्ठ र पुरु सुबेदी रहनु भएको छनोट समितिले सो निर्णय गरेको हो ।

यही मे ११ देखि १३, २०१८ मा न्युह्याम्पशायर, अमेरिकामा आयोजना हुने दोस्रो अन्तर्राष्ट्रिय अनेसास च्याप्टर सम्मेलनका अवसरमा सो पुरस्कार प्रदान गरिने छ ।

न्युह्याम्सायर, अमेरिकामा दोस्रो अन्तर्राष्ट्रिय च्याप्टर सम्मेलन आयोजना हुने

अन्तर्राष्ट्रिय नेपाली साहित्य समाजको दोस्रो अन्तर्राष्ट्रिय अनेसास च्याप्टर सम्मेलन यही मे ११ देखि १३, २०१८ मा अन्तर्राष्ट्रिय नेपाली साहित्य समाज न्युह्याम्सायर च्याप्टरको संयोजकत्वमा न्युह्याम्सायरमा रहेका बिभिन्न नेपाली संघ संस्थाहरुको आयोजनामा न्युह्याम्सायर, अमेरिकामा आयोजना हुने भएको छ । अन्तर्राष्ट्रिय नेपाली साहित्य समाज न्युह्याम्सायर च्याप्टरको अनुरोधमा केन्द्रीय कार्य समितिको हालै सम्पन्न बैठकले सो निर्णय गरेको हो ।

सो सम्मेलनमा अमेरिका लगायत विश्वभर रहेका अनेसासका च्याप्टरहरुबाट सहभागिता रहने र सम्मेलनमा दुइ बर्षको अबधिमा सर्बोत्कृष्ट कार्य गर्ने च्याप्टरलाई अनेसास रामलामा अनेसास सर्बोत्कृष्ट च्याप्टर पुरस्कार प्रदान गरिने, अनेसासका च्याप्टरहरुबाट सम्पादित गतिविधिहरुको प्रगति प्रतिबेदन प्रस्तुत गरिने, अनेसासको संस्थागत विकासका सम्बन्धमा छलफल गरिने, अनेसास च्याप्टर पदाधिकारीहरुको नेतृत्व विकासका सम्बन्धमा छलफल गरिने, अनेसासको विधानमा रहेका च्याप्टरसम्बन्धी ब्यबस्थाहरुको बारेमा छलफल गरिने र विश्व काब्य गोष्ठीको आयोजना गरिनेछ । यस अघि प्रथम अन्तर्राष्ट्रिय अनेसास च्याप्टर सम्मेलन अन्तर्राष्ट्रिय नेपाली साहित्य समाज, लस् एन्जेलस् च्याप्टरको आयोजनामा मे, २०१६ मा सम्पन्न भएको थियो । यस सम्मेलनको आयोजनाबाट अनेसासको संस्थागत विकासमा महत्वपूर्ण योगदान पुग्ने विश्वास लिइएको छ ।

अनेसास उत्कृष्ट पुस्तक पुरस्कार विजेताको घोषणा

अन्तर्राष्ट्रिय नेपाली साहित्य समाजले हरेक दुई वर्षमा विश्वभरिका नेपाली साहित्यकारहरुका विभिन्न विधाका कृतिलाई प्रदान गर्दै अाएको अनेसास उत्कृष्ट पुस्तक पुरस्कार २०१७ का विजेताको घोषणा बोर्ड अफ ट्रस्टिजको कार्यसमितिको बैठकबाट गरिएको छ ।

अनेसास पुरस्कार समितिका अध्यक्ष सीता पाण्डेले बोर्ड अफ ट्रस्टिजको कार्यसमितिको समितिको बैठकमा पुरस्कृत पुस्तक तथा लेखकहरुको नामवली प्रस्तुत गर्नुभएको थियो ।

अनेसास उत्कृष्ट पुस्तक पुरस्कार २०१७ को नतिजा

शिव लामिछाने
सचिव
बोर्ड अफ ट्रस्टिज कार्यसमिति
अन्तर्राष्ट्रिय नेपाली साहित्य समाज
वासिङटन डी सी ।

अन्तर्राष्ट्रिय नेपाली साहित्य समाजको प्रकाशन

अन्तर्राष्ट्रिय नेपाली साहित्य समाजको इतिहास प्रकाशन

अन्तर्राष्ट्रिय नेपाली साहित्य समाजको इतिहास प्रकाशन कार्य पूरा भइ धेरैको हातमा पुगेको छ । संस्थाको रजतजयन्ती, २०१६ का अबसरमा प्रकाशित सो पुस्तक नेपाली साहित्यमा एक महत्वपूर्ण र गरिमामय बन्ने विश्वास लिईएको छ । सो इतिहास अन्तर्राष्ट्रिय नेपाली साहित्यमा जिज्ञासा राख्ने, नेपाली साहित्यमा अभिरुची राख्ने, डायस्पोरिक अध्ययन गर्न चाहने र यसका सदस्यहरु सबैको लागि एक बिशेष कृतिको रुपमा रहने जनाइएको छ ।

अनेसासका संस्थापक होमनाथ सुबेदी प्रधान सम्पादक रहनु भएको सो कृतिमा पूर्व अध्यक्षहरु डा. दुबसु क्षेत्री, मोहन सिटौला, गीता खत्री, ट्रष्टीका अध्यक्ष डा. श्याम कार्की, महासचिब गोबर्धन पूजा, केन्द्रीय कार्यसमितिका पूर्व उपाध्यक्ष राम खत्री, साहित्यकार एबं केन्द्रीय कार्यसमितिका सदस्य सन्ध्या पहाडी र अनेसास डेलावर च्याप्टरका अध्यक्ष गुणराज लुइँटेल सम्पादक मण्डल रहेको प्रकाशन समितिले सो कृति प्रकाशन कार्यमा महत्वपूर्ण भूमिका निर्वाह गरेको छ । १०७५ पेज रहेको सो पुस्तकमा अनेसासको उत्थानकाल, डायस्पोराकाल, अनेसास बोर्ड अफ ट्रष्टीज, अनेसास सर्बोत्कृष्ट पुस्तक पुरस्कार, अनेसासको बिधि विधानमा संशोधन, अनेसासको प्रकाशनको इतिहास, अनेक डायस्पोरामा अनेसास, यूरोपेली नेपाली डायस्पोरामा अनेसास, एशियाली नेपाली डायस्पोरामा अनेसास, ओसेनियाली डायस्पोरामा अनेसास समेटिएको छ ।

अन्तर्राष्ट्रिय नेपाली साहित्य समाजका अध्यक्ष पदम विश्वकर्माको अध्यक्षतामा हालै बसेको केन्द्रीय कार्यसमितिको बैठकले इतिहास प्रकाशनमा अहोरात्र खटेर मिहिनेतका साथ प्रकाशन गर्ने संस्थापक अध्यक्ष एबं प्रधान सम्पादक होमनाथ सुबेदी लगायत सम्पादकहरुमा हार्दिक आभार प्रकट गर्ने निर्णय गरेको छ । यस अबसरमा अध्यक्ष विश्वकर्माले अनेसासको इतिहास प्रकाशनमा सहयोग गर्नुहुने सम्पूर्ण महानुभावहरु, लेखकहरु, अनेसासका संस्थापकहरु, ट्रष्टी सदस्यहरु, पूर्व अध्यक्षहरु, वर्तमान एबं पूर्व कार्यसमितिका पदाधिकारीहरु र सल्लाहकारहरु, सम्पूर्ण च्याप्टरका पदाधिकारीहरु, आजीवन सदस्यहरु, संस्थाको स्थापनादेखि यसलाई मलजल गर्ने सम्पूर्ण महानुभावहरु, साहित्यकारहरु र यसलाई माया गर्नुहुने सम्पूर्ण महानुभावहरुप्रति पनि आभारी प्रकट गर्नुभएको छ ।


INLS Announcements

About INLS

About us

International Nepali Literary Society (INLS), Washington D.C. was established in 1991 and incorporated in the District of Columbia, USA. It is an international organization of volunteer members who are interested in languages, literature, art and music of Nepal.

Mission Statement

The mission of INLS is to preserve and promote Nepali Identity by uniting people of Nepali origin around the world through continuous encouragement for promotion of Nepali languages through writing, reading, publishing, distributing, and translating Nepali literature, culture, art, music and dance.

Code of Ethics

The following are principles of ethical behavior for those affiliated with INLS:
1. It is the responsibility of the INLS* officials, board members, advisors, and executive members (to maintain a balance between the need in society to use a cultural property (Nepali Language, Literature and culture), and to ensure the preservation of that cultural property*.)

More >>


Apycom jQuery Menus